හැදින්වීම.

• අප රටේ ජාතික නිෂ්පාදනයට උතුරු මැද පළාතේ කෘෂිකර්මාන්තයෙන් ලබාදෙන දායකත්වය ඉතා විශාලය. එමෙන්ම උතුරු මැද පළාතේ ජීවත්වන බොහෝ අය ගොවියෝද වෙති එබැවින් පළාතේ ආර්ථිකය කෘෂිකර්මාන්තය මත රදාපවතී.
•  බෝග වගාවන් හී නිෂ්පාදන ඵලදායිතාව ඉහල නැංවීම සදහා ගුණාත්මක බීජ භාවිතය ඉතා වැදගත්. සමස්ථ ශ්‍රී ලංකාවම ගත්කල ගුණාත්මක බීජ වල හිඟතාවය හා බීජ වල මිල ගොවීන්ට දරාගැනීමට නොහැකි තරම් ඉහල මට්ටමක පැවතීම පොදු ගැටළුවක් බවට පත්වී තිබේ.
• අධික ලෙස කෘෂි රසායන භාවිතය හා නිෂ්පාදන වියදම අවම කරගනිමින් කෘෂිකාර්මික නිෂ්පාදන අපනයන වෙළද පොල හා දේශීය සුපිරි වෙළදසැල් ඉලක්ක කරගනිමින් නිෂපාදනය කරනු ලබන යහපත් කෘෂිකාර්මික පිළිවෙත් අනුගමනය කරනු ලබන GAP ගොවිපල් ඇතිකිරීමද ඉතා වැදගත්.
• තෘප්තිමත් හා සෞභාග්‍යමත් ගොවි ප්‍රජාවක් බිහි කරමු යන දැක්මෙන් යුතුව කටයුතු කරනු ලබන උතුරු මැද පළාතේ කෘෂිකර්ම දෙපාර්තමේන්තුව පළාතේ කෘෂි නිෂ්පාදන ළුලදායිතාවය ඉහල නංවමින් ගොවීන්ගේ ආර්ථික තත්වය ඉහල නැංවීම උදෙසා ඉතා විශාල කාර්යභාරයක් ඉටුකරමින් පවති. එම වගකීම තව දුරටත් වඩා වර්ධණය කරමින් GAP ගොවිපල් සහතික කරණය සහ ඉහතින් සදහන් කරන ලද ගැටළු වලට විසදුම් ලබාදීමේ අරමුණින් ගුණාත්මක බීජ/රෝපණ ද්‍රව්‍ය සුලභ කිරීමේ හා යහපත් කෘෂි පිලිවෙත් අනුගමනය කරණු ලබන ගොවිපල් ඇතිකිරීමේ අරමුණින් පළාත් සහතික කිරීමේ සේවය (බීජ හා GAP) මේවනවිට ආරම්භකර ක්‍රියාත්මක කරමින් පවති.